Messi dunyoda hech bir futbolchida yo‘q narsaga ega

“Bavariya” boshqaruv kengashi raisi Karl-Xaynts Rummenigge Chempionlar ligasidagi raqib – “Barselona” etakchisi Lionel Messi haqida iliq fikrlarini  bildirdi.

- Men Messini qattiq hurmat qilaman. U dunyoda hech bir futbolchida yo‘q narsaga ega. Ya’ni, uning bir o‘zi, birovning yordamisiz uchrashuv taqdirini hal qila oladi. Leoni alohida e’tibor bilan tinimsiz ta’qib qilish kerak. Uni to‘xtata olsak, g‘alabaga imkon tug‘iladi, - dedi Rummenigge.

“Bavariya” va “Barselona” o‘rtasidagi Chempionlar ligasi chorak final uchrashuvi 14 avgust kuni o‘tkaziladi.