Месси энди ҳеч қачон “Барса”да ўйнамайди!

“Барселона” собиқ президенти Жоан Гаспар клуб тарихидаги энг машҳур футболчи Лионель Месси жамоага футболчи сифатида қайтишига ишонмаслигини билдирди.

- Мен Месси “Барселона”га ўйинчи сифатида қайтишига ишонмайман. Оилавий шароити туфайли ПСЖда қолиши керак, деб ҳисоблайман.

Месси дунёнинг энг зўр ўйинчиси, унинг кетиши “Барселона”га салбий таъсир қилди, бироқ у Луиш Фигудан фарқли ўлароқ, профессионалларга хос тарзда кетди. Мессининг йўқлиги Фигунинг кетишидан кўра, “Барселона”га кўпроқ салбий таъсир ўтказди, - деди Жоан Гаспар.

Маълумки, Каталония суперклуби молиявий фэйр-плей қоидаларига кўра, Лионель Месси билан янги шартнома туза олмади.