Месси эртанги баҳсда "Барселона"га ёрдам бера оладими? Бу саволга бош мураббий жавоб берди

"Барселона" клуби бош мураббийи Кике Сетьен жамоа етакчиси Лионель Месси ҳозир қандай формада эканини айтиб ўтди.

“Унда ҳаммаси жойида ва у ўзини яхши ҳис қиляпти. Эртага унинг майдонга тушмаслигига ҳеч қандай сабаб кўрмаяпман”, - дейди Сетьен.

Эслатиб ўтамиз, 32 ёшли аргентиналик тўпурар ўтган ҳафта жамоа машғулотларида жароҳат олган эди. “Барселона” эса карантиндан кейинги илк расмий учрашувини эртага “Мальорка”га қарши ўтказади. Ушбу ўйин Тошкент вақти билан соат 01:00 да бошланади.