Messi futboldan keyin nima ish qilmoqchiligini aytdi

“Inter Mayami” hujumchisi Lionel Messi professional futbolchilik faoliyatini yakunlaganidan keyin nimalar bilan shug‘ullanmoqchi ekanini aytdi.

- Faoliyatimni yakunlaganimdan keyin nimalar bilan shug‘ullanish haqida chuqur o‘ylamaganman. Chunki buni istamayman.

Hozir qilayotgan ishlarimdan bahra olyapman. Men Evropani tark etib, muhim qadam tashladim. Lekin endi keyingi qadam haqida o‘ylashni hoxlamayman. Asosiy istagim faqat futbol o‘ynash va o‘zim yaxshi ko‘rgan ish bilan shug‘ullanish imkoniga ega ekanimdan baxtiyorman.

Faoliyatimni tugatsam nima qilaman? Aniq bilmayman, lekin futbol bilan aloqador ish qilaman. Menga bolalar bilan ishlash, murabbiylik qilish, sport direktori bo‘lish yoqadi. Lekin qay biridan boshlashni hali aniqlab olganim yo‘q, - dedi Lionel Messi.