Месси гол урса, Аргентина терма жамоаси ютқазмайди!

Аргентина терма жамоаси 2009 йил 14 ноябрдан бери давом этаётган ажойиб сериясини янада узайтирди.

ЖЧ-2022 саралаши доирасида Аргентина ўз майдонида Венесуэлани қабул қилди ва 3:0 ҳисобида мағлубиятга учратди. Ушбу ўйинда ПСЖ ҳужумчиси Лионель Месси ҳам ўз ҳисобига гол ёздириб қўйди.

Opta статистик портали хабарига кўра, аргентиналиклар 12 йилдан ортиқ вақт давомида Месси гол урган учрашувларда мағлуб бўлмай келмоқда. Охирги марта 2009 йилнинг кузида Испанияга қарши бўлган ўртоқлик ўйинида (1:2) Мессининг голи Аргентинани мағлубиятдан қутқариб қололмаган эди.