Месси Гвардиоладан нима талаб қилмоқда?

“Манчестер Сити” таркибига қўшилиши кутилаётган Лионель Месси жамоа бош мураббийи Хосеп Гвардиола билан учрашди.

Устоз-шогирд ўзаро ҳамкорлик қилиш масалаларини муҳокама қилган. Маълум бўлишича, Лионель Месси Гвардиоладан агар у “Манчестер Сити”га ўтса, мураббий ҳам у ерда қолишини кафолатлашни сўраган. Чунки, Гвардиоланинг манчестерликлар билан шартномаси келаси йил ёзда ўз якунига етади ва испаниялик мутахассисни ПСЖда кутишмоқда.

Хосеп Гвардиола ҳозирча “Манчестер Сити” раҳбарларининг янги шартнома бўйича таклифларини қабул қилгани йўқ.