Месси: Ҳақиқат шуки...

“Интер Майами” ҳужумчиси Лионель Месси Париж мезбонлик қиладиган Олимпия ўйинларида иштирок этиш масаласида фикр билдирди.

- Мен Аргентина олимпия терма жамоаси бош мураббийи Хавьер Маскерано билан гаплашдим. Ҳақиқат шуки, иккимиз вазиятни дарров тушундик.

Олимпия ўйинларида қатнашишим қийин, чунки Америка кубоги бошланмоқда ва мен икки-уч ой давомида “Интер Майами”да бўла олмайман.

Энг муҳими эса, менинг ёшимда қачон ўйнашни аниқ танлаш лозим, кетма-кет иккита турнирда тўп тепиш анча оғирлик қилади, - деди Лионель Месси.

36 ёшли футболчи 2008 йили Пекинда ўтказилган Олимпия ўйинларининг ғолиби ҳисобланади.

Месси фаолияти давомида 904 та учрашувда иштирок этиб, 735 та гол ва 355 та ассист муаллифи бўлган.