Месси Каталониядан футбол клуби сотиб олди

"Барселона"нинг собиқ ҳужумчиси Лионель Месси Испаниянинг учинчи дивизионида ўйнайдиган Каталониянинг "Корнелья" клубини сотиб олди. Бу ҳақда жамоа матбуот хизмати расмий сайтида маълум қилди.

"Бу қадам Мессининг "Барселона" билан яқин алоқасини ва Каталонияда спорт ҳамда маҳаллий истеъдодларни ривожлантиришга содиқлигини тасдиқлайди - бу алоқа унинг "Барселона" клубида ўйнаган йилларида бошланган ва бугунги кунгача давом этмоқда", - дейилади "Корнелья" баёнотида.

Каталония жамоаси 1500 томошабинга мўлжалланган "Ноу Камп Муниcипал" стадионида ўйнайди. Клуб 1951 йилда ташкил этилган.

2023 йилдан бери Месси Американинг "Интер Майами" жамоасида тўп сурмоқда.