Месси келса ҳам, бу жамоани қутқара олмайди!

“Ливерпуль” собиқ ҳужумчиси Майкл Оуэн жамоада кузатилаётган пасайишга муносабат билдирди. Таниқли футболчи зўр ўйинчиларнинг олиб келиниши ҳам муаммога ечим бўлмаслигини таъкидламоқда.

- Очиғини айтсам, жамоанинг янги ўйинчиси Коди Гакпога раҳмим келяпти. Чунки у ўзига бўлган ишончни йўқотиб қўйган ва тинимсиз қуйига шўнғиётган жамоага келди. Аввалги “Ливерпуль”дан асар ҳам қолмади.

Менимча, Лионель Месси келса ҳам, ҳозирги “Ливерпуль”да ўзини кўрсата олмайди, - деди Майкл Оуэн.

Юрген Клопп шогирдлари айни пайтда мусобақа жадвалида тўққизинчи ўринда бормоқда. Жамоа катта эҳтимол билан келаси йили Чемпионлар лигасига йўлланма ололмайди.