Месси кутиб ол! Супер ҳужумчи “Барса”ни танлади

“Арсенал” ҳужумчиси Пьер-Эмерик Обамеянг ўзига бўлаётган кўплаб таклифлар орасидан “Барселона”ни танлашга қарор қилди.

Ёзги трансферлар мавсусида Лондонни тарк этишни истаётган габонлик ҳужумчи “Арсенал”нинг супер таклифини қабул қилмади. “Тўпчи”лар футболчига  йилига 12 миллион фунт маошли узоқ муддатли шартнома берганди.

Айни пайтда футболчининг вакиллари Каталония клуби билан музокараларга тайёргарлик кўрмоқда.

Обамеянг икки ярим йил давомида “Арсенал” учун Англия премьер-лигасида 84 та учрашув ўтказиб, 52 та гол урди ва 13 та голли пас узатди.