Месси мундиалда антиқа бутсада ўйнайди (фото)

Аргентина терма жамоаси ҳужумчиси Лионель Месси Қатар майдонларида тўп тепиш учун махсус бутсага эга бўлди.

Етти карра “Олтин тўп” соҳиби жаҳон чемпионатида ўзи киядиган олтинрангли бутсани намойиш қилди.

Бу бутса олтин ранг билан қопланганидан ташқари, унга 10-рақам ҳам сингдириб юборилган. Бу ранг Қатарда қадрланиши ҳам айтилмоқда.

Бутсанинг бу моделига The Adidas X Messi 2022 World Cup Speedportal, деб ном берилди.

Аргентина терма жамоаси жаҳон чемпионатининг гуруҳ босқичида Саудия Арабистони, Мексика ва Польша билан куч синашади.