Месси номаълум қаҳрамонларга миннатдорлик билдирди

"Барселона" форварди Лионель Месси дунёда коронавирус пандемиясига қарши курашаётган барча шифокорларга ўз миннатдорлигини билдирди.

“Кеча жаҳон соғлиқни сақлаш ходимлари ҳафталиги ўз ниҳоясига етди. ЮНИСЕФ билан биргаликда уларга қилаётган ишлари учун миннатдорчилик билдириб қоламан.

Ушбу номаълум қаҳрамонлар оилаларидан узоқ ҳолда биз учун коронавирусга қарши курашишяпти. Шундай оғир кунларда ҳам улар ҳомиладор аёлларга ғамхўрлик қилишни давом эттиришяпти, болалар ва ўсмирларни ҳимоя қилишяпти”, - деб ёзади аргентиналик футболчи инстаграмдаги саҳифасида.