Месси: “Оилам билан Барселонага қайтишни ўйлаяпмиз”
“Интер Майами” футболчиси Лионель Месси собиқ жамоаси “Барселона” ҳақида гапирди.
“Бу ерда болаларим дунёга келди. Бутун ҳаётимни шу ерда ўтказдим. “Барселона”га тегишли эканимни ҳис қиламан. Ўзим ва оилам бир кун Барселона шаҳрига қайтишни ўйлаяпмиз. Болаларим, хотиним ва мен у ерда ҳаётимизни жуда соғиняпмиз”, — деди аргентилик футболчи.
Месси 2004–2021 йилларда “Барселона” таркибида ўйнаб, 778 ўйинда 672 гол уриб, 303 ассист берган. У клуб билан 10 марта Испания чемпионати, 4 марта Чемпионлар лигаси ва бошқа кўплаб совринларни қўлга киритган.
Фикрлар