Месси охирги бор “эл-класико”да қатнашдими?

Испания чемпионатининг 30-турида “Реал” футболчилари “эл-класико”да “Барселона” вакилларини 2:1 ҳисобида мағлубиятга учратди.

Ўйиндан кейин каталонияликлар директори Гильермо Амор жамоа сардори Лионель Месси ҳақида гапирди.

- Бу Лионель Месси учун  фаолиятидаги сўнгги “эл-класико” эмаслигига умид қиламиз. Биз унинг Каталонияда қолиб, ҳали кўп маротаба “эл-класико”ларда майдонга тушишини истаймиз, - деди Амор.

Лионель Месси “эл-класико”ларда 2018 йилнинг майидан бери ўзини кўрсата олмаяпти. Шу кунгача, аргентиналик ҳужумчи “Реал”га қарши еттита учрашувда майдонга тушган бўлса-да, бирорта самарали ҳаракатни амалга оширгани йўқ.

“Барселона” раҳбарияти Лионель Мессини ҳали янги шартномага кўндира олгани йўқ. Аргентиналик юлдуз келажаги ҳақидаги қарорини мавсум якунланиши билан эълон қилишини билдирган.

33 ёшли ҳужумчи жорий мавсумда “Барселона” учун жами 39 та ўйинда майдонга тушиб, 29 та гол урди ва жамоадошларига 13 та голли пас оширди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар