Месси Парижни тарк этиб, Барселонага қайтди

Жисмоний ҳолати талабга жавоб бермагани учун ПСЖда дебютини нишонлай олмаётган Лионель Месси Париждан кетиб, Барселонага боргани кўпчиликнинг эътиборини тортди.

Маълумотларга қараганда, Лионель Месси оила аъзолари ва Неймар билан бирга бўлган.

Айрим манбаларнинг тасдиқлашича, Месси ва Неймар ўзлари билан Каталонияда бирга ўйнаган Луис Суареснинг Барселона шаҳри яқинидаги уйига меҳмонга борган экан.

Яқинда ПСЖ бош мураббийи Маурисио Почеттино аргентиналик ҳужумчи спорт формасини тиклаётгани ва тез орада янги жамоаси сафида майдонга тушиш имконига эга бўлиши ҳақида гапирган эди.