Месси Қатарга қарши ўйиндан сўнг: Жамоага худди бугунгидек хотиржамлик ва ишонч зарур эди
Улар кейинги босқичга чиқишди.
Хабарингиз бор Аргентина терма жамоаси кеча Копа Американинг гуруҳ босқич сўнгги турида Қатарни 2:0 ҳисобида енгди ва навбатдаги босқичга йўлланмани қўлга киритди.
Учрашувдан сўнг “альбасетлар” етакчиси Лионель Месси ўзининг ўйин ҳақидаги фикрлари билан ўртоқлашди.
“Биз яхши ўйин ўтказдик. Ғалаба – биз учун энг муҳим нарса. Жамоага худди бугунгидек хотиржамлик ва ишонч зарур эди. Биз ўйиндан-ўйинга ўсиб боришимиз керак. Бугунги ўйин бунга ёрдам берди”, - дейди Месси.
Эслатиб ўтамиз, Аргентина терма жамоаси энди чорак финалда “А” гуруҳида 2-ўринни қўлга киритган Венесуэлага қарши баҳс олиб боради. Ушбу ўйин 24 июнь куни бўлиб ўтади.
Изоҳлар (0)