Месси Роналдунинг тарихий рекордини янгилади

Каталониянинг "Барселона" клуби форварди Лионель Месси бугун "Реал Сосьедад"га (1:0) қарши ўйинда гол урди ва жамоасига ғалаба келтирди.

Opta Jose нашри тарқатган хабарга кўра, 32 ёшли аргентиналик футболчи Ла Лигадаги 474-ўйинда 438-голини урди. Шу тариқа, Месси Европанинг топ-5 чемпионатлари тарихидаги энг яхши тўпурарга айланиб олди.

Қайд этиш лозимки, Месси бу борада "Ювентус" форварди Криштиану Роналдуни ортда қолдирди. 35 ёшли португалиялик футболчи 540 та ўйинда рақиблари дарвозасига 437 та гол урган.