Месси ва Бускетс қачон асосий таркибда майдонга тушиши аниқ бўлди

Аргентиналик ҳужумчи Лионель Месси 26 июль куни биринчи марта “Интер Майами” сафида асосий таркибда майдонга тушиши мумкин.

Флорида жамоаси эртага Лига кубогида “Атланта”га қарши майдонга тушади. Ўйин Тошкент вақти билан 04:30да бошланади.

"Интер Майами" бош мураббийи Херардо Мартинонинг айтишича, шу куни Месси ва Бускетс ўйинни илк дақиқалардан бошлаш эҳтимоли юқори.

“Агар улар майдонда кўпроқ дақиқа ўтказишса, бу жамоанинг ҳолатига таъсир қилиши мумкин. Ва катта эҳтимол билан улар учрашувни асосий таркибда бошлашади. Ҳаммаси уларнинг ўзини қандай ҳис қилишига боғлиқ”, — деди Мартино.