Месси ва Мбаппе ўртасидаги зиддият бормиди?

Килиан Мбаппе азалдан ПСЖда жанубий америкаликларнинг таъсири катта эканига қарши эди. Унинг талаби билан ўтган йили клуб раҳбарияти бир неча аргентиналик ўйинчиларни жамоадан кетказиб юборганди.

Ниҳоят, Лионель Месси ҳам Парижни тарк этди. Кўпчиликни Килиан Мбаппе ва Лионель Мессининг ўзаро муносабати қизиқтирмоқда.

Ўз вақтида ПСЖда ўйнаган “Атлетик” ярим ҳимоячиси Андер Эррера бу масалага ойдинлик киритиб берди.

- Мен бу футболчилар билан ўйнаганман. Мессидан футболчи сифатида ҳайратланардим. Жамоадош ва инсон сифатида ҳайратим бир неча баравар юқори бўлди.

Мессининг Мбаппе билан зиддияти бўлгани ҳақидаги гап-сўзларнинг бари ёлғон. Оммавий ахборот воситалари нега битта футболчини кўкларга кўтариб, иккинчисини ер билан битта қилишини ҳеч тушунмайман, - деди Андер Эррера.