Месси ва Мбаппени нималар кутмоқда?

ПСЖ хўжайини Нассер Ал-Хелаифий жамоа юлдузлари – Лионель Месси ва Килиан Мбаппе келажаги ҳақидаги саволга жавоб берди.

- Ҳозир Қатарда жаҳон чемпионати давом этмоқда. Ҳамманинг эътибори шу мусобақага қаратилган. Месси ва Мбаппе жаҳон чемпионатининг энг зўр ўйинчиларидан бўлиши керак. Мундиал тугаганидан кейин улар билан учрашиб, келажакдаги режаларни муҳокама қиламиз, - деди клуб президенти.

Аргентиналик юлдузнинг амалдаги шартномаси жорий мавсум охирида якунланади.

Килиан Мбаппе эса, ёзда парижликлар билан янги битим имзолаб, 2025 йилнинг 30 июнигача пойтахтда қолишга розилик берган. Бироқ, 23 ёшли ҳужумчи клуб раҳбариятидан норози экани ва кетишни режалаштираётгани ҳақида хабарлар тарқатилган.