Месси ва Неймар Франция чемпионатининг энг яхши футболчилари эмасми?

Get French Football News сайти Франция чемпионатининг энг яхши футболчилари рейтингини эълон қилди.

Рейтингнинг 1-ўрнида "Ланс" ҳужумчиси Секо Фофана қайд этилган бўлса, 2-ўринни "Пари Сен-Жермен" ҳужумчиси Килиан Мбаппе эгаллади. Кучли учликни "Лион"нинг бразилиялик ярим ҳимоячиси Лукас Пакета якунлаб берди.

Эътиборлиси, ПСЖнинг икки юлдуз ҳужумчиси - Лионель Месси кучли учликдан, Неймар эса кучли ўнликдан ҳам жой олмади.

Қуйида Get French Football News талқининга кўра Франция чемпионатининг топ-10 футболчилари билан танишиб олишингиз мумкин:

1. Секо Фофана ("Ланс")
2. Килиан Мбаппе (ПСЖ)
3. Лукас Пакета ("Лион")
4. Лионель Месси (ПСЖ)
5. Бенджамен Андре ("Лилль")
6. Теже Саванье ("Монпелье")
7. Димитри Пайет ("Марсель")
8. Жанлуижи Доннарумма (ПСЖ)
9. Маркиньос (ПСЖ)
10. Жонатан Дэвид ("Лилль").