Месси ва Неймар Мбаппе маошига орзу қилса бўлади

Франциянинг машҳур Lequipe нашри миллий чемпионатда тўп тепаётган футбол юлдузлари – Килиан Мбаппе, Неймар ва Лионель Месси олаётган маошлар миқдорини эълон қилди.

Унга кўра, 24 ёшли франциялик ҳужумчи бир ойда олти миллион евро маош олмоқда. Бу жуда катта кўрсаткич.

Иккинчи ўринда Неймар қайд этилган. Парижликлар бразилиялик юлдузнинг бир ойлик меҳнатини 3,67 миллион еврога баҳолаган.

Жаҳон чемпиони мақомидаги Лионель Месси эса ҳар ой 3,37 миллион евро мояна олади. Кўриниб турибдики, Мбаппенинг топиш-тутиши Неймар ва Мессиникидан икки баравар кўп.