Месси яна бир ноёб рекорд соҳибига айланди

"Барселона" форварди Лионель Месси кеча Ла Лиганинг 16-туридан ўрин олган "Мальорка"га (5:2) қарши ўйинда хет-трик қайд этди.

Opta статистик портали тарқатган хабарга кўра 32 ёшли аргентиналик футболчи сўнгги 14 та мавсумдан буён 10 тадан кам гол урмай келаётган топ-5 чемпионатлардаги ягона футболчига айланиб олди.

Маълумот учун, Месси жорий мавсум 13 та ўйинда майдонга тушди ва ўз ҳисобига 14 та гол ҳамда 8 та голли узатма ёздириб қўйишга эришди.