Месси яна Роналдуни доғда қолдирди

FourFourTwo нашри XXI асрнинг энг зўр футболчилари рўйхатини эълон қилди. Жами 100 нафар чарм тўп устаси киритилган рейтингда Лионель Месси биринчи ўринда қайд этилган.

Месси бу рейтингда ПСЖ ўйинчиси сифатида қайд этилган бўлса-да, унинг биринчи ўринни эгаллашига “Барселона”даги фаолияти асос бўлди. Бу борада аргентиналик юлдуз “Манчестер Юнайтед” тўпурари Криштиану Роналдуни ортда қолдирди.

Кучли учликдан “Барселона”да Лионель Мессининг гол уришига кўплаб имкониятларни яратиб берган Андреас Иньеста ҳам жой олди.

Ушбу рейтингнинг  энг юқори ўн қаторига мазкур футболчиларидан ташқари Хави Эрнандес, Роналдиньо, Зинедин Зидан, Тьерри Анри, Мануэль Нойер, Кака ва Луис Суарес жойлаштирилди.