Месси янги жамоага отланмоқда

“Барселона” етакчиси Лионель Мессининг янги жамоага кўчиб ўтиш эҳтимоли катта экани ҳақида хабарлар тарқатила бошлади.

 Аргентиналик ҳужумчининг ўзи унга “Манчестер Сити”, “Интер” ва ПСЖ қизиқаётганидан хабардор қилинган. Маълумотларга қараганда, Месси фаолиятини Италияда давлом эттиришга мойил бўлмоқда.

Унга асосий даъвогар бўлган “Манчестер Сити” хўжайини шайх Мансур ибн Зайд Ол Нахаён бош мураббий Хосеп Гвардиолага Лионель Месси ёки уч нафар янги футболчи олинишини мумкинлигини билдирган. Испаниялик мутахассис ёши ўтиб қолган собиқ шогирдидан кўра, ўзи мўлжаллаб юрган ёш ва бақувват ўйинчиларни танлаши кутилмоқда.

Шунингдек, ПСЖ етакчилари Неймар ва Килиан Мбаппе агар Месси жамоага олиб келинса, ўзлари ҳам шартномани узайтиришга ваъда берган.   

Мессининг шартномаси ёзда якунига етади. Ҳали унинг Каталониядаги келажагига ойдинлик киритилгани йўқ.