Мессидан янги антирекорд

«Барселона» «Кадис»га мағлуб бўлган баҳсда каталонияликлар форварди Лионель Месси рақиб дарвозасига йўллаган 10 та  зарбасининг бирортасини гол билан якунлай олмади.

Аргентиналик ҳужумчи 2020 йилда «Леванте», «Алавес» ва «Валенсия»га қарши баҳсларда ҳам 10 дан зиёд зарба йўллаб, дарвозани ишғол қила олмади.

Шу тариқа, Месси жорий мавсумда бир ўйинда 10 ва ундан ортиқ зарбасини голга айлантира олмаган ягона футболчи бўлиб қолмоқда.

Ушбу баҳсда Лео Месси WhoScored портали томонидан 8,5 балга лойиқ кўрилди.