Мессига 1,4 миллиард евролик шартнома таклиф қилинган, бироқ...

Саудия Арабистонининг "Ал-Иттиҳод" клуби хўжайини Анмар Ал-Хайли Мессига қандай шартнома таклиф қилгани ҳақида гапирди.

"Мен Месси билан, ПСЖдаги шартномаси якунига етганида боғланган эдим. Унга йилига 1,4 миллиард евролик шартнома таклиф қилдим, бироқ у буни рад этди. Сабаби оиласи билан Америка Қўшма Штатларини афзал кўрди. Мен буни ҳурмат қиламан. Агар "Ал-Иттиҳод"да ўйнашни истаса бажонидил уни жамоамга таклиф қиламан. Унга шундай шартнома таклиф қиламанки, у истаганича, ҳатто умрбод маош олиши мумкин бўлади. Мен Мессини бизнинг жамоада бўлишини истайман, шунда менинг жамоамда дунёнинг энг яхши футболчиси бўлади", - деди клуб эгаси. 

Маълумот учун, Месси ПСЖ билан хайрлашгач "Интер Майами"да ўйнашни афзал кўрган эди.