Мессига инглиз тили керак эмас, у билан гаплашмоқчи бўлган жамоадошлари испанча ўрганяпти

“Интер Майами” футболчиси Эдисон Аскона қизиқ маълумотни ошкор қилди. Унинг айтишича, жамоадаги ўйинчилар Лионель Месси билан суҳбатлашиш учун испан тилини ўргана бошлади.

- Мен бирор марта Месси инглиз тилида гапирганини эшитмади. Баъзан у “Good morning” (Хайрли тонг) иборасини ишлатади холос. Инглиз тилида гаплашиб юрганлар Месси билан мулоқот қилиш учун  энди испанчани ўргана бошлади, - дейди Эдисон Аскона.

Лионель Месси фаолиятининг катта қисмини “Барселона”да ўтказган. Кейин икки мавсум ПСЖда ўйнади.

Аргентиналик жаҳон чемпиони ўтган ёз “Интер Майами сафига қўшилди. Янги жамоасида Месси жами 14 та ўйинда қатнашиб, 11 та гол ва бешта ассист қайд этди.