Мессига ишонч сўняпти

Аргентина терма жамоасининг собиқ дарвозабони Уго Гатти “Барселона” етакчиси Лионель Месси ҳақида гапирди.

- Бугунги кунда Карим Бензема рақиби Мессидан устун. Футболни тушунган одам борки, Месси ўзини яхши ҳис қилмаётганини кўра олади. Бензема жамоасига Мессидан кўра кўпроқ наф келтирмоқда.

Ҳозирги Месси одамлар кўришни истаган футболчи эмас. У чақнай олмаяпти. Бу мантиқан тўғри, 33 ёшдан кейин пасайиш бўлади.  У буни енгиб ўтиши керак. Лекин майдон узра учиб юрадиган аввалги Мессини энди ҳеч қачон кўрмаймиз. 30 ёшдан кейин спортчиларнинг жисмоний имкониятлари пасаяди, фақат талант қолади холос, - деди Гатти.

Жорий мавсумда Лионель Месси барча турнирларда 26 та гол урди. Бунгача аргентиналик ҳужумчи 30 тадан кам гол урмас эди.

Фикрлар

Фикр қолдириш учун авторизациядан ўтинг!