Мессига яқин келишга қўрқамиз, бошимизга катта муаммо келади!

Аргентина терма жамоаси марказий ҳимоячиси Неуэн Перес машғулотлар чоғида асосий юлдуз Лионель Мессига тўқнаш келишдан қўрқишини очиқ айтди.

- Мессига тегиб кетиш ёки уни жароҳатлаб қўйишдан қаттиқ қўрқаман, биз уни доим эҳтиётлашимиз талаб этилади. Агар шикастланса жиддий муаммога дуч келамиз. Аҳмоқлик қилиб қўймаслигимиз керак, - деди Неуэн Перес.

Аргентина терма жамоаси Қатардаги жаҳон чемпионатига пухта тайёрланмоқда. Месси бошчилигидаги жамоа сентябрь ойида иккита ўртоқлик учрашувида майдонга тушади.

Аргентиналиклар 23 сентябрь куни Гондурас ва тўрт кундан кейин Ямайка билан ўртоқлик баҳсида куч синашади.