Мессини Америкага юбориш керак, Верратти эса кўча футболчиси! Ёхуд Журналист ПСЖ қачон зўр бўлишини айтди

Журналист Даниэль Риоло ПСЖ ҳужумчиси Лионель Мессини "Интер Маями"га жўнатиб юбориш кераклигини айтди.

Эслатиб ўтамиз, ўтган куни Париж гранди Чемпионлар лигаси 1/8 финал жавоб ўйинида "Бавария"га (0:2) мағлуб бўлди ва турнирни тарк этди.

"Мессини «Интер Маямига» юборинг, шунда ҳаммаси ажойиб бўлади. Марко Верраттини эса “Пескара”га қайтариб юборинг ва ҳаммаси ўз жойига тушади. Қувонарлиси, Земан яна “Пескара”га қайтди, бу эса Марко учун яхши имконият.

Верратти барбекю ейиш, денгиз бўйида сайр қилиш, коктейл ичиш ва сигарет чекиш имкониятига эга бўлади. У хотиржам бўлади ва бошқа ҳеч кимни безовта қилмайди. Ва кейин у дўстлари билан ўйнайди. Чунки у кўча ўйинчиси. Буни бир неча йиллардан буён айтиб келаман, Верратти кўча футболчиси! Йиллар давомида у ҳақида эшитганим мени ғазаблантирди. Бу ғалати!" - деди Риоло.