Мессини кўндира олмаган Саудия клуби "Наполи" тўпурарига фантастик маош таклиф қилмоқда

Саудия Арабистонининг "Ал-Ҳилол" клуби “Наполи” ҳужумчиси Виктор Осимхен билан эҳтимолий трансферни муҳокама қилмоқда.

Sky Sports нашри хабарига кўра, саудияликлар 24 ёшли нигериялик ҳужумчига ҳафтасига 1 миллион фунт (деярли 1,17 миллион евро) маош таклиф қилишган. Италия чемпионига эса 140 миллион евро тўлашга тайёр, аммо неаполликлар 150 миллионгача бўлган таклифларни ҳам кўриб чиқмоқчи эмас.

Олдинроқ "Ал-Ҳилол" "Наполи"га янги таклиф билан чиқишни режалаштираётгани ҳақида хабар берилганди.