"Мессини мисол келтираман" - Мартинес МЮдаги инқирозни қандай енгиш кераклигини айтди

Лисандро Мартинес МЮдаги инқирозни қандай енгиш мумкинлигини айтди. 

"Мен ҳар доим Лео Мессидан мисол келтираман. У Аргентина терма жамоасида жуда кўп азоб чекди. Месси финалларда мағлуб бўлди ва ҳатто баъзи пайтларда терма жамоани ўзига мос эмас, деб ҳисоблади. 

Шундай бўлса-да, у интилишда давом этди, яқинлари уни қўллаб-қувватлади. Қаранглар, бу "тоғ" ортида уни қандай муваффақиятлар кутаётган эди. 

Мен учун Месси жуда сабрли бўлиш, ҳеч қачон таслим бўлмаслик, охиригача курашиш ва ишончнинг ажойиб намунасидир. Аргентина терма жамоаси билан содир бўлган воқеалардан шахсий ҳаётимда ҳам, футболда ҳам фойдаланаман", - деди ҳимоячи "TNT Sports" телеканалига берган интервьюсида.