Мессини пул қизиқтирмайди! Чунки...

“Барселона”нинг собиқ футболчиларидан бири Христо Стоичков жамоанинг бошқа бир афсонаси Лионель Мессининг Саудия Арабистони клубларига ўтишдан бош тортганига изоҳ берди.

“Биз пул учун ўйнамадик, севги учун ўйнадик. Бу буюкликдан далолат беради. Мен учун маошим ёки бонусларимни билиш муҳим эмас эди, ўйнаш муҳимроқ эди ва шунинг учун ҳам одамлар мени қадрлашди. Футболдан бошқа барча ишларим билан агентлар шуғулланишди.

Месси рақобатлашиш ва ўйнаш учун келади. Уни пул қизиқтирмайди, чунки у футболни яхши кўради”, - деди Стоичков Stats Perform нашрига берган интервьюсида.

Эслатиб ўтамиз, Месси ўтган мавсум якунида шартномаси якунлангани боис ПСЖни эркин агент сифатида тарк этди ва АҚШнинг "Интер Майами" клуби сафига бориб қўшилди. Унга Саудиянинг “Ал-Ҳилол” клубидан ҳам супер таклиф бўлган эди.