Мессини қўйиб юбормаймиз!

“Пари Сен-Жермен” раҳбарияти аргентиналик юлдуз Лионель Мессини қўйиб юбормоқчи эмас. Леонинг парижликлар билан келишуви жорий мавсум охирида якунланади.

Парижликлар унга янги шартнома таклиф қилиши ҳақида хабар чиққани ортидан Месси улар билан янги битим имзолаш нияти йўқлиги бўйича ҳам маълумотлар эълон қилина бошланди.

Парижликлар Мессини умумий ҳисобда 2025 йилгача олиб қолмоқчи. Ҳужумчи бу келишувга кўнса, унга ҳозирги маошидан кам бўлмаган маблағ, 30 миллион евро атрофида пул тўланади.

Европа матбуоти Лионель Месси мавсум якунланганидан кейин “Барселона”га қайтиши мумкинлигини муҳокама қилмоқда. Ўйинчининг ўзи келажагига Қатардаги жаҳон чемпионатидан кейин ойдинлик киритишини айтган.