Мессининг 39 ёшида қилиб юрган ишларини қаранг! Ҳарри Кейн Мессига тан берди

Англия терма жамоаси ҳужумчиси Ҳарри Кейн Аргентинага қарши 1:2 ҳисобида якунланган мундиал  ярим финалидан сўнг Лионель Месси ҳақида фикр билдирди.

Учрашувда инглизлар 55-дақиқада ҳисобни очишганди, аммо ўйин охирида икки гол ўтказиб юбориб, финалга чиқиш имкониятини қўлдан бой берди. Лионель Месси ушбу баҳсда жамоасининг ҳар икки голига пас берди.

- Мессининг 39 ёшида қилиб юрган ишларини кўриб, бу жаҳон чемпионати мен учун охиргиси бўладими-йўқми, деб ўйлаб ҳам ўтирмайман. Месси – тарихдаги энг кучли футболчи. Биз уни тўхтатиш учун қўлимиздан келган барча ишни қилдик, лекин у тўпни олган саёқ, яна бир бор жонлангандек бўларди», – дея Кейиннинг сўзларини келтиради AlbicelesteTalk нашри.

Лионель Месси ҳозирча мусобақанинг энг яхши тўпурарлари пойгасида Килиан Мбаппе билан бирга пешқадамлик қилмоқда – ҳар иккаласининг ҳам ҳисобида саккизтадан гол бор. Ҳарри Кейн эса олти гол билан рейтингда тўртинчи ўринни эгаллаб турибди.