Мессининг кетиши “Реал”га кучли зарба бўлади!

“Реал” раҳбарияти Ла Лигадаги ашаддий рақиби – “Барселона” ва унинг етакчиси Лионель Месси атрофидаги воқеаларга муносабат билдирди.

Унга кўра, мадридликларда Лионель Мессини қўлга киритиш фикри бўлмаган. Ҳозир “Реал” хўжайинлари ўйинчи харид қилишни эмас, балки таркибдаги қатор футболчиларни сотиб, молиявий аҳволини ўнглаб олишни истамоқда.

Леонинг “Барса”дан кетиши “Реал”га кучли зарба бўлиши таъкидланмоқда. Чунки унинг сотувидан каталонияликларга катта маблағ келиб тушади ва аргентиналикка тўланаётган катта маошдан камида 100 миллион евро тежаб қолинади. “Барселона” бу орқали таркибни янада кучайтирадиган бир неча юқори классли ўйинчиларни олиш имкониятига эга бўлади.

Шу ўринда, “Реал”дагилар Лионель Мессининг Каталонияни тарк этишига ишонмаяпти.