Мессининг отаси Саудия билан музокаралар олиб бормоқда

"Интер Майами" ҳужумчиси Лионель Мессининг отаси Хорхе Месси Саудия Арабистонининг Давлат инвестиция фонди билан музокаралар олиб бормоқда.

Cantral do Arabao нашри журналист Саша Таволиьер ижтимоий тармоқлардаги маълумотларига таяниб хабар беришича, Месси 2023 йилнинг июль ойида МЛСга (АҚШнинг профессионал футбол лигаси) ўтганидан бери лиганинг ривожланиш даражасидан норози.

Музокаралар давомида эҳтимолий трансфернинг фақат спортга оид жиҳатлари эмас, балки кенг қамровли маркетинг лойиҳаси ҳам муҳокама қилинмоқда. Ҳозирча Лео ўтиши мумкин бўлган аниқ клуб номи ошкор этилмаган.

 Лионель Мессининг "Интер Майами" билан тузган амалдаги шартномаси 2025 йил охиригача амал қилади.