Мессининг ПСЖ сафига қачон қайтиши маълум бўлди
ПСЖ клуби футболчиси Лионель Месси клубининг 3 та учрашувини ўтказиб юборади. У 3 январь куни машғулотларга қайтади.
Шу тариқа, Лео парижликларнинг Лига 1 доирасидаги "Страсбург" (28 декабрь) ва "Ленс" (1 январь), кубок доирасидаги "Шатуро" (6 январь) га қарши беллашувларда клубига ёрдам бера олмайди.
Аргентиналик юлдуз 11 январь санасига белгиланган чемпионат 18-туридан ўрин олган "Анже" жамоасига қарши майдонга тушиши кутилмоқда.
Аргентина билан жаҳон чемпионлигини қўлга киритган Месси айни пайтда туғилиб ўсган шаҳри Росариода таътилда бўлиб турибди.
Фикрлар