"Металлург" иккинчи бор Яйпанда ўйнайди, илк ташрифи эса омадсиз чиққан

5 октябрь куни Суперлиганинг 21-турига старт берилади. Шу куни Яйпанда “Турон” “Металлург”ни қабул қилади. Меҳмон жамоа матбуот хизмати бўлажак баҳс олдидан превьюни тақдим этди.

Ташкил этилганига ҳали кўп бўлмаган Яйпаннинг “Турон” жамоасига қарши “Металлург” Суперлигада бугунгача 3 та ўйин ўтказишган. Томонлар 1 мартадан ғалаба қозонишган. Яна битта учрашувда дуранг натижа қайд этилган.

“Турон” кучлилар сафидаги биринчи ғалабасини айнан “Металлург”га қарши ўйинда тантана қилган. Жамоаларнинг бу йил Бекободда кечган баҳсида кучлар тенг келди. Мезбонлардан Шаҳзоджон Неъматжонов, яйпанликлардан Ҳумоюн Муртозоев муваффақият қозонганди. Умумий голлар нисбати – 3:2, “Турон” фойдасига.

Жамоаларнинг барча учрашувлари:

03.07.2023  «Металлург» - «Турон» - 1:1

21.11.2021  «Металлург» - «Турон» - 1:0

02.07.2021  «Турон» - «Металлург» - 2:0