"Металлург" ёшлари – Ўзбекистон чемпиони!

Бугун Бекобод футболида тарихий кун содир бўлди. Мамлакатимиз мустақилликка эришгандан кейин Ўзбекистон чемпионати ва биринчиликларида қатнашиб келаётган Бекободнинг “Металлург” жамоаси ўз тарихидаги энг ёрқин ғалабани қўлга киритди. XXIX миллий чемпионатнинг ёшлар биринчилиги “Металлург” футболчиларининг муддатидан олдин зафар қучиши билан якунланди.

Ўз уйидаги “Сурхон”га қарши сўнгги учрашувда “Металлург”ни чемпион бўлиши учун дуранг натижа ҳам қаноатлантирарди. Аммо дуранг учун ўйнаш ижобий натижа бермаслигини яхши англаган мезбонлар мураббийи ўз шогирдларини фақат ғалаба иштиёқида майдонга тушира олди. “Металлург” рақиби дарвозасига жавобсиз бешта тўп йўллади.

Бир пайтлар футбол ишқибозлари орасида Аргентина – Ямайка – 5:0 деган қўшиқ урф бўлганди. “Металлург” – “Сурхон” жамоалари ўртасидаги ўйин жаҳон футболининг ёрқин юлдузларидан бири, аргентиналик чарм тўп қироли Диего Армандо Марадонанинг ёрқин хотирасига бир дақиқалик сукут сақлаш билан бошланди. Не тонгки, учрашув якунида ҳам таблода 5:0 ҳисоби порлади. Бекободлик ёшлар ўз тарихларида биринчи марта Ўзбекистон чемпиони деган шарафли номни Марадона юртдошларига хос ишонарли тарзда қўлга киритишди. Рамзий ўхшашлик тасоддифий эмас. “Металлург” ёшлар жамоаси бу йилги мавсумни том маънода кўтарки руҳ билан ўтказди. Шунга яраша чемпионатнинг кичик олтин медалларига сазовор бўлда.

“Металлург” ПФКга чемпионлик муборак, деймиз!!!

U-21 Ўзбекистон биринчилиги / 25-тур

28.11.2020 йил. Бекобод шаҳри. “Металлург” стадиони.

“Металлург” – “Сурхон” – 5:0 (2:0)

Голлар: Муҳаммадали Азизбоев, 30 (1:0), Тўлқин Эргашев, 45 (2:0), Муҳсин Бозоров, 49 (3:0), Иброҳим Турғунбоев, 78 (4:0), Шаҳзоджон Неъматжонов, 90+1 (5:0).

“Металлург”: Акмал Турсунбоев, Одилбек Абдумажидов, Жасурбек Ўринов, Шаҳзодбек Ғофурбеков, Шаҳзоджон Неъматжонов, Тўлқин Эргашев, Муҳаммадали Азизбоев, Даврон Анваров, Абдулвоҳид Ғуломов (с), Акбар Қўчқоров, Муҳсин Бозоров.

Захира: Азизбек Муродов, Иброҳим Турғунбоев, Муродбоек Бобожонов, Абдулло Ғайбуллаев, Азамат Абдусатторов, Муҳриддин Ботиров, Асадбек Исломов, Диёрбек Шавқиев, Тимур Набиев.

“Сурхон”: Даврон Мерганов, Миржалол Аннаматов, Дилшод Рашидов, Санжарбек Аҳмедов (с), Беҳруз Қулматов, Нурмуҳаммад Номозов, Асилбек Темиров, Аслиддин Хонимов, Шаҳзод Таиров, Асадбек Ҳамзаев, Сарвар Солиев.

Захира: Амал Исматов, Фарҳод Маматқулов, Муҳаммадали Абдураҳмонов.