"Metallurg"ning ikki futbolchisi jamoga qaytdi

Bekobodning “Metallurg” jamoasi qishki transfer paytida o‘z tarkibiga yangi o‘yinchilarni qo‘shib olishda davom etmoqda.

Bugun bekabodliklar “Metallurg”ga o‘tgan mavsumni boshqa klubdarda ijara asosida o‘tkazgan yana ikki nafar o‘yinchisi qaytganligini ma’lum qildi. 2021 yilgi mavsumning birinchi davrasini “Metallurg”da boshlagan Ixtiyor Toshpo‘latov ikkinchi davrada Yaypanning “Turon”ga ijaraga berilgandi.

O‘zbekiston Olimpiya terma jamoasi a’zosi Davron Anvarov esa mavsumning ikkinchi qismini Pro liga vakili “Olimpik” jamoasida o‘tkazdi va jamoaning Superligaga yo‘llanma olishida o‘zining munosib ulushini qo‘shdi.