"Метро Люблино работаем"нинг ўзбекистонлик рақиби аниқ бўлди

Хабарингиз бор, Россиянинг Hardcore промоушенидаги фаолияти ва "Метро Люблино работаем" челленджи билан бутун МДҲ мамлакатларида машҳурликка эришган тожикистонлик Саймўмин "Сайка" Мадиев навбатдаги жангини Ўзбекистонда "VVFC-4" турнирида ўтказишини маълум қилган эдик. 

Бироқ, унинг рақибига аниқлик киритилмаган эди. VVFC промоушени мутасаддиларидан бири Мавлон Мавлоновнинг сайтимизга маълум қилишича, тожикистонлик жангчига қарши жанг қилувчи ҳамюртимизга аниқлик киритилган. Унга кўра, юртдошимиз Раҳим Ражабалиев "Метро Люблино работаем"нинг навбатдаги рақиби бўлади. 

Ражабалиев профессионал фаолияти мобайнида 3 та жанг ўтказган ва барчасида ғалаба қозонган. "Сайка"нинг кўрсаткичи эса 5-0 кўриниш олган. Мазкур жанг супер енгил вазн (57,6 кг) тоифасида бўшлиб ўтади. Хуллас, супер тўқнашувнинг гувоҳига айланамиз. 

Тез орада турнир санасига ҳам аниқлик киритилади. Воқеалар ривожини бизда кузатиб боринг!