Мехиколик Паола ва ЖЧда иштирок этадиган бошқа қиличбозларимиз билан танишинг

15-23 июль кунлари Венгриянинг Будапешт шаҳрида қиличбозлик бўйича навбатдаги жаҳон чемпионати бўлиб ўтади. Токио Олимпиадаси учун йирик рейтинг очколарини тақдим этувчи мазкур мусобақада терма жамоамиз вакиллари ҳам катта делегация билан иштирок этади. МОҚнинг маълум қилишича, мусобақада 14 нафар спортчи иштирок этиши белгилаб қўйилган. Улар орасида 2 нафар "легионер" спортчиларимизни ҳам куриш мумкин. Улар саблячилар Лара Плиего Паола ҳамда Яна Обвинцева. Паола асли мексикада таваллуд топган, Яна эса қиличбозликнинг дастлабки сирларини Россияда ўрганган. Тўлиқ таркиб қуйидагича: 

Севинч Исмоилова – сабля
Зайнаб Дайибекова – сабля
Яна Обвинцева – сабля
Лара Плиего Паола – сабля
Шерзод Мамутов – сабля
Пазилбек Генжебаев – сабля
Бобуржон Расулов – сабля
Роман Александров – шпага
Жавоҳирбек Нурматов – шпага
Файзулла Алимов – шпага
Олег Соколов – шпага
Малика Ҳакимова – шпага
Яна Алборова – шпага
Ҳасан Бадунов – шпага

Терма жамоамиз 13 июль куни Венгрия сафарига жўнаб кетади.