Мейвезер Макгрегор билан иккинчи марта жанг қилиши мумкин
Ads

Бокс бўйича беш вазн тоифасининг собиқ жаҳон чемпиони кичик Флойд Мейвезер ўз мухлисларига UFC чемпиони Конор Макгрегор билан ММА қоидаларига кўра иккинчи жанг бўлиши мумкинлигини маълум қилган.

Америкалик боксчи ўзининг Твиттер саҳифасида ирландиялик спортчини тирсаги билан ураётган расм жойлаштирган.

Эслатиб ўтамиз, аввалроқ ирландиялик спортчи Макгрегор ММА қоидалари бўйича жангга чақирган эди. 2017 йил августда Мейвезер ва Макгрегор ўртасидаги бокс қоидалари бўйича тўқнашувда Флойд 10-раундда рақибини техник нокаутга учратган. Мейвезер профессионал рингда жами 50 жангда 50 ғалабага эришган.