Микель Артета сўнгги 20 йилда АПЛни юта олган энг ёш мураббийга айланди

“Арсенал” бош мураббийи Микель Артета Англия Премьер-лигаси тарихида сўнгги 20 йил ичида чемпионликни қўлга киритган энг ёш мураббий бўлди.

44 ёшли испаниялик мутахассис лондонликлар билан 37-турнинг ўзидаёқ чемпионликни расман таъминлади.

Бундан олдин бундай натижага 2005/06 мавсумида 43 ёшли Жозе Моуриньо эришган эди. У ўшанда “Челси” билан Англия чемпиони бўлган.

Шунингдек, Артета 44 ёшу 54 кунлигида АПЛни юта олган энг ёш мураббийлар рейтингида учинчи ўринни эгаллади. Ундан юқорида фақат икки марта Жозе Моуриньо жой олган:

— 2004/05 мавсум: 42 ёшу 94 кун
— 2005/06 мавсум: 43 ёшу 93 кун.