"Милан" 20 ёшли украиналик футболчини ўз сафига қўшиб олмоқчи

Киевнинг "Динамо" клуби ҳимоячиси Виталий Миколенко "Милан"нинг қизиқишлар доирасига кириб қолди. Бу ҳақда Жанлуки Ди Марцио хабар бермоқда.

Юқоридаги манбаага кўра “россонерилар” 20 ёшли украиналик футболчини жорий ёзги трансферлар даврида ўз сафига қўшиб олмоқчи.

Маълумот учун, Миколенко ўтган мавсум “Динамо” сафида жами 32та ўйинда майдонга тушди ва 1та гол ҳамда 5та голли узатма ёздириб қўйишга эришди. Унинг клуб билан амалдаги шартномаси 2023 йилга қадар имзоланган.