"Милан" "Арсенал"нинг икки нафар футболчисини сотиб олмоқчи

Италиянинг “Милан” клуби ўз сафини “Арсенал”нинг икки нафар футболчиси - Гранит Жака ва Лукас Торрейра билан кучайтирмоқчи. Бу ҳақда Tuttomercatoweb нашри хабар тарқатмоқда.

Таъкидлаш керакки, Торрейра жорий мавсум бор йўғи 4 та ўйинда майдонга тушди холос, шу боис унинг агенти жорий ҳафта “канонирлар” раҳбарияти билан учрашиб, мижозининг келажагини муҳокама қилмоқчи.

Жака эса сўнгги пайтларда мухлислар билан юзага келган вазиятдан сўнг жамоадан кетиш пайига тушган. У ҳозирда “россонерилар” билан музокараларни бошлаб юборган ва хатто Миландан ўзига уй қидиришни ҳам бошлаб юборган.