"Милан" Бонавентура билан шартномани узайтирмоқчи

“Милан” клуби раҳбарияти жамоанинг етакчи ярим ҳимоячиси Жакомо Бонавентура билан амалдаги шартномани узайтирмоқчи. Бу ҳақда Sky Sport Italia нашри хабар тарқатмоқда.

Таъкидлаш керакки, 30 ёшли италиялик футболчи тиззасидан олган жиддий жароҳат сабаб ўтган мавсумнинг иккинчи ярмини ўтказиб юборган эди. Айни дамда у соғайган ва тез орада машғулотларга қўшилади.

Маълумот учун, Бонавентура “Милан” шарафини 2014 йилдан буён ҳимоя қилиб келмоқда. Унинг клуб билан амалдаги шартномаси 2020 йилга қадар имзоланган.