“Милан” бош мураббийи Стефано Пиоли ўз лавозимидан истеъфога чиқарилиши мумкин.

La Gazzetta dello Sport ва Calciomercato нашрлари тарқатган хабарга қараганда, агар жамоа мавсум якунида Чемпионлар лигаси йўлланмасига эга бўлолмаса, “россонерилар” раҳбарияти 55 ёшли италиялик мутахассисни ишдан бўшатади.

“Милан” ўтган тур “Лацио”га 3:0 ҳисобида имкониятни бой берди ва 2-ўриндан бирданига 5-ўринга тушиб кетди. Биринчи даврада миланликлар ажойиб ўйин намойиш этган ва чемпионликка асосий даъвогар сифатида тилга олинаётган эди. Бироқ Пиоли бошқарувидаги жамоада кескин пастлаш кузатилди.

Стефано Пиоли 2019 йилнинг кузидан буён “Милан”ни бошқариб келмоқда. У бунга қадар “Лацио”, “Интер” ва “Фиорентина” каби жамоаларни бошқарган.

Матнда хатолик топсангиз, ўша хатони белгилаб, бизга жўнатинг (Ctrl + Enter)